Սուրբ Գէորգ` Ֆրանչիսկոս Պապի անուանակոչութեան տօնը։

(Ռատիօ Վատիկան) Կաթողիկէ տիեզերական եկեղեցին, այսօր կը յիշատակէ Սուրբ Գէորգի տօնը։ Տօնն է նաեւ Ֆրանչիսկոս Քահանայապետի, Եորկէ Մարիօ Պերկոլիոյի` անուանակոչութեան։ 

Այս առթիւ, Վատիկանի ձայնասփիւռի հետ ունեցած հարցազրոյցի մէջ  Քահանայապետկան ծիսական արարողութիւններու պատասխանատու` գերապայծառ Կուլլիէրմօ Քարչէրի յայտնած է  թէ Ֆրանչիսկոս Պապը նման է ՝արդի Սուրբ Գէորգի։ Ան  մեծ պայքարող մըն է ընդդէմ չարին, եւ այս մէկը կ՝ընէ ճշմարիտ քրիստոնէական հոգիով։ Անոր մէջ կը տեսնեմ Քրիստոսը որ բարին կը սերմանէ պայքարելու համար չարին՝ դէմ, ըսած է քահանայապետական ծիսական արարողութիւններու պատասխանատուն մաղթանք յայտնելով որ Սուրբ Գէորգը պաշտպան կանգնի Ֆրանչիսկոս Պապին, որպէսզի Ան կարենայ շարունակել իր առաքելութիւնը բարին սերմանելով եւ յարատեւելով չարին դէմ իր պայքարին մէջ։